Tinteiru de tierra: Bosques de rueinas

BOSQUES DE RUEINAS

“Vivimos nun mundo onde tamos llonxe de los árboles,
lo que podría significar que tamos llonxe de nós mesmos”
Xuan Bello

La música de los regueiros
foi silenciada pullu mazu
d’una xusticia xorda de moral.

Las tardes a la selombra de los árboles
onde gulicos y ñietos
xugaban a cuntá aventuras nu escritas,
fonon borradas por un maletín de sinrazón.

El paséu de tolos namoraos
ilumináu pulla maxia del atardecerín
foi amatáu pullu interruptor de l’avaricia.

Las madriguieras onde miles de seres
exercían la maxia del viví
fonon enterradas baxo los llizaces
d’un progresu en rueinas.

La naturaleza regalaba belleza
y l’home disfrazábase de dios
pa curta-yi las rayíces a la sabiduría.

Güei, añoramos ese rincón
cuña mesma fuerza
que la mirada de los animales
señala’l ñuesu error.
Solo espero,
que ñu futuru
nu tengamos qu’escribí
fueyas perennes de culpabilidá
y si llibros con imáxenes
de bosques onde floreza la vida.


Tintero de tierra (Ed. Lobo Sapines - 2.011)