martes, 25 de noviembre de 2014

III Filandón Bercianu

L’Asociación Cultural Faceira en collaboración cono Ayuntamientu de Veiga d’Espiñareda organiza’l “III FILANDÓN BERCIANU”

L’ASOCIACIÓN CULTURAL FACEIRA organiza’l próximu sábadu 29 de noviembre el “III FILANDÓN BERCIANU” que tendrá llugar no Salón d’actos del Monesteriu de San Andrés d’Espiñareda, con entrada llibre hasta chenar l’aforu.

Nesta tercer edición del Filandón Bercianu, despuéis de los celebraos en Noceda y Torenu, la toponimia y la naturaleza bercianas sirvirán d’escusa pa filar historias y alcordanzas de tódolos asistentes no qu’esperamos seya una fiesta participativa y popular.

El filandón cuenta cona imprescindible collaboración del Ayuntamientu de Veiga d’Espiñareda y de Paco Vuelta, y intervendrán Alejandro Díez González con una esposición titulada “¿En qué falan los montes?  Los nomes de la naturaleza”, y el profesor Fernando Álvarez-Balbuena que falará sobre “Las llinguas del valle del Cúa na toponimia”.

Tamién habrá tiempu para contar historias y compartir alcordanzas, todo ello amenizáu cona música tradicional llionesa qu’interpretarán Fernando Torre y Fran Allegre.

Pa rematar, l’Ayuntamientu de Veiga d’Espiñareda invitará a tódolos asistentes a un magostu popular.


lunes, 10 de noviembre de 2014

CURSO DE LEONÉS ORGANIZADO POR LA ASOCIACIÓN FACEIRA

En estos días hay una buena oportunidad para aproximarse al leonés e iniciarse en el conocimiento de esta lengua, ya que la Asociación Cultural Faceira organiza el “I CURSU D’INICIACIÓN A LA LLINGUA LLIONESA”, que será presencial y tendrá lugar en la ciudad de León. 

Se impartirá en las aulas de la CONSULTORÍA DE FORMACIÓN SKALA, situada en la calle Jorge de Montemayor, nº 6 de la capital leonesa.

El curso tendrá una duración total de 48 horas lectivas que se impartirán cada viernes ente las 18,00 y las 20,00 horas, desde el 21 de noviembre de 2014 hasta el 29 de mayo de 2015. El precio de la matrícula, 40 €, incluye el material didáctico, como la guía gramatical leonesa XURDIR(que se agotó en su día en el tiempo récord de dos meses, y que está en proceso de reimpresión). 

Además de los temas estrictamente lingüísticos,
el curso abarcará otros aspectos de cultura y toponimia tradicional leonesas, y tal vez yo dé alguna clase sobre historia de León.

Las personas interesadas en matricularse podrán hacerlo en Skala Formación. El plazo de matrícula concluye el próximo 14 de noviembre.


miércoles, 11 de junio de 2014

El Teixu convoca un concursu de recoyida de toponimia oral n’El Bierciu


El Teixu, Rede pal Estudiu y Defensa de la Llingua Asturllionesa, convoca, cona colaboración del Instituto de Estudios Bercianos, y l’apoyu de las asociaciones Faceira, Fala Ceibe y el Colectivo Cultural “La Iguiada”, la primera edición del Concursu de Recoyida de Toponimia Oral d’El Teixu na Comarca d’El Bierciu, col que se va premiar la investigación sobre la toponimia tradicional de la comarca berciana. Los trabayos que quieran participar no concursu tienen qu’entregase primeiro del 15 d’outubre d’aguaño.

Cada participante puede presentar unu ou dellos trabayos a concursu, circunscritos cada unu d’ellos al términu d’un llugar, no que se recoyerá’l máximu posible de topónimos: nomes de llugares y casas, ríos y llagunas, montes y accidentes orográficos, praos y caminos, fuentes y cruces… Los topónimos, en cualquier casu, tienen que tar recoyíos oralmente entre la población del términu y nun se van aceptar variantes artificiosas ou que solo sean de tipu documental ou alministrativu.

Las descripciones de topónimos y la información adicional, que pueden tar redactadas en cualquiera de las llinguas d’El Bierciu (asturllionés, gallegoportugués ou castellano), tienen qu’entregase primeiro del 15 d’outubre del 2014, indicando “Concursu de Recoyida Toponímica”, y incluyendo en páxina aparte los datos personales del autor, por corréu electrónicu a info.elteixu@gmail.com ou por corréu postal a: El Teixu, Rede pal Estudiu y Defensa de la Llingua Asturllionesa. Calle Teleno, 3 – 2º. 24350 Veguellina (Llión).

Un xuri formáu por trés personas, escoyidas entre miembros d’El Teixu, expertos en llingüística y xeografía y estudiosos d’El Bierciu, que nun conocerán l’autoría de los trabayos, va outorgar, primeiro del 31 de diciembre del 2014, un únicu premiu, consistente nun diploma y un lote de llibros de temática berciana y asturllionesa. El xuri puede establecer hasta trés accésits, que recibirán tamién llibros cumo premiu.

Va valorase positivamente la inclusión de fotografías y mapas que permitan la identificación y localización de los topónimos. Igualmente, los trabayos pueden incluír material adicional sobre historia, xeografía, etnografía y vocabulariu del términu en cuestión, así cumo grabaciones ou material audiovisual.

Con esta campaña, El Teixu quier poner en valor el padremuñu que representa la riqueza toponímica, que, esqueicida pola alministración, todavía permanez viva na comarca, como una muestra más de la cultura berciana que s’expresa n’asturllionés y en gallegoportugués. La toponimia tradicional ye un tesouru de valor incalculable, que ye necesario recoyer primeiro que desapareza.



Bases del concursu: http://elteixu.org