Hai xente que tien el corazón tan grande, que tien que sacalu de pouquitín a pouqutín, ya sia nun cantare, nuna cunversación ou con dalgun xestu, porque nun entra-ys nel pechu.
Ayer tuve nel Vatse de Tsaciana con un buen amigu, José Manuel Sabugo. Primeiru nel institutu Vatse de Tsaciana, conas nenas y nenos de l ´E.S.O. Lluegu marchamos a Vitsaseca de Tsaciana, onde los miéus tios tuvieron de maestros nos años ochenta. Na caida de la tarde, tuvimos en Palacius del Sil, presentando´l miéu poemario "Alboradas en los zurrones del pastor". Foi un día muitu buenu. Dicen que nun son los llugares, si non las suas personas las que faen que seya prestosu, nesti casu, ye asina.
Gracias por todo, José, foi un pracer visitar tsaciana y falar cola súa xente. ¡Abrazon y fuercia, paisanu!
Xeitos
Puema: Eva González
Música: José Manuel Sabugo y Manolo Marentes
Lus xeitus de la mía tierra,
las cousinas del mieu pueblu
hai que las cuntar aspaciu
dantu-tsis gracia ya xeitu.
¡Quién me diera a mi axeitare
sus costumes ya vezus!
Prestaría-me nel alma
na nuesa tsingua faé-lu.
Sicasí, ¡son tantas cousas!
Veceras, trousus ya xuegus,
rexidore, aluxadore,
facenderas, acarretus.
Pregueirón ya veceirina,
la vaquera, lus brañeirus,
cabana, salga, fuguera,
rondas de mozus, curtexus.
Pul iviernu tiru al gatsu
na puente xuntu al Barreiru
yal baitse de lus Debotus
la nueite antias d´Anu Nuevu.
Guapus cantares nas bodas
al son de viechus pandeirus
ya después currer la rosca
lus muciquinus cuntentus.
L´Antroidu ya la Cenisa,
lus ramus sagraus de teixu,
las tradiciones de sieglus
que güei pierden-se dafeitu.
¡Quién me diera a mi axeitare
nuesas constumes ya vezus!
Prestaría-me pul viviere
na nuesa tsingua faé-lu.
No hay comentarios:
Publicar un comentario