jueves, 7 de octubre de 2010

Astorga, encrucijada de poetas... II

Emilio Gancedo, León (1977). Trabaja en el Diario de León y es autor de varios libros como La hoja de Roble, Tradición oral, El habla de León y de varios documentales como Asina falamos.

El primeiru

¿Quién fuei?
Dalgún tuvo que ser el primeiru

El primer home que techóu una barda
El primeiru que trenzóu una sebe
El primeiru qu'echóu un cantare

El que ideyóu la llastra pa guardar la yerba

El qu´ensinóu a los outros a cabruñar el gadañu

El que usóu de presas y comportas pa guiare l'augua a
[los praos
y a las buertas.

L'ínventor del molín
Y el de la canciella

El primeiru qu'anduvo ente sebes
Aguiyada en manu

El que sacóu alantre la fórmula máxica del furmientu
Col que crez la fogaza nel fornu

El que aburóu un cachu d'urz
Y tresformóulu en bon gabuzu

¿Onde tá la sua efixie?
¿Ú, el son homenaxe?

Nun queda güelga de la sua fazaña
Nun uyedes repetir son nome nas escuelas
Polos rapaces

Sua robra murríu fa yá tiempu
Y güei tá más muerta que nunca

Naide echa un rezu ou tien una alcordanza
Cuando llee'l cartel d'una caí
A él dedicada

Nun sabemos quién fuei
Pero durante mucho tiempu
La xente rendía-y inconsciente tributu
Ca vé que queimaban la piel del gochu
Con un cuelmu
Ou cuando mazaban el lleiche
Nel fudre sacáu d'una pelleya

Dalgo que taba nel aire encargábase de remembralu

Anguañu, naide conoz siquier
Las obras del primeiru de todos
El de las grandes ideyas
Asina piérdense na memoria
El bieldu, el manal,
La tiva, el farnal
La cuerria, el palombar
El truébanu onde viven las abeyas
El garabatu, el carru chirrión,
El fusu
La portillera
El rastru
La forma de entarucar la galocha
Las llatas del teyáu
L'ensobear las vacas

Tamos feichos de todas esas cousas
Ensin sabelo

Por eso, aiquí y agora,llanzo esta voz al aire:
¡You bendígote, paisanu miyu,
y el d'antias v el d'agora!

¡Cómu abristi camín, diañe,
Cuando sólo había cardos y gabanzas!
Cuando la peral nun taba sometida
Y la vaca rubia pastaba sola y salvaxe

Nun había años nin meses
Nin san Xuan nin samartinos

El tiempu medíalu'l cantar de la cucuyada

Los homes nun tenían pozos
Nin sabían cumo los faer

El marón tovía nun vivía na corte

Remembrare'l pesu de las añadas
Me fraya l'alma

Y digo, cumo prestaríame que dixéramos todos
manu en peichu
y llágrimas que cuerren pola cara:

¡Gracias home!
¡Gracias, amigu!

No hay comentarios: