Hestoria d’una culebrina atinada
Na profunda cueva de Cascorru, xunta San Xil de L.luna, un cuélebre fema vivía cerquina’l pueblu. Yera tan fulgaciana que nun peñaba las escamas por nun esfregase contra las piedras, nun esbocexaba por nun abrir la bouca y dalgunos dicen que llevaba llustros conos güeyos zarraos porque cansaba apistañando. Dormía lo más del día y el restu pasábalu sospirando. Eso sí, pa que nun-y perdieran el respetu, si dalgún rapá s’arimaba muito, soltaba un allaríu tan burru, que más que rosníu yera rutiu espeñante. Nun hai nada cumo’l mal aliendu pa facese respetar. ¡Ai! Pero la soledá puede cona galbana y Culebrona decide baxar pa la villa. Reúne a todos xunta la iglesia.
—Va años que nun vos molesto y hasta los bréfetes tou de las piedriquinas que me tiran los vuesos guah.es. Nun los comí por nun dame sudores, pero empicastis la mia pacencia. Ensin amor nun sou nada, yá lo dicía Saulo de Tarso, y tengo una rabia comigo, que peque me vou facer un pinchu morunu con vosoutros. Cada día comeréi a cinco y bien mastigaos, pa qu’asina vos dola más y desquite las mias penas conos vuesos gritos… Perdónovos la vida se me cumplís con un mandáu.
El mandáu yera mui, mui, mui difícil. Habían recorrer tódol mundu pa buscar un cuélebre. Unu bien guapetón, baxo condena de destruición apocalíptica del pueblu. Cuatro mozos valientes del pueblu foron unviaos a los cuatro puntos cardinales pa buscar un bon cuélebre cono que calmar las ansias insatifeitas de la culebrona.
El primer mozu foi hacia l’este y acabóu en Sahagún. —Los saguneros siempre foron mui llistos, seguro que saben ónde alcontrar un cuélebre—. Arrespondióron-ye: —Más al leste, rectu más ou menos lo que tarda una carrera de perru, xira, baxa una cuesta y empobínate al sur, cinco días de caminu y chegas—, añedioron —Illí, la ratiu de cuélebre por cada paisanu ye de unu por mil. Pero, al datu, que son bichos raros y mui arraposaos. Onque comentaron qu’agora tan tranquilos pola abondanza de topillos—. Obediente sigue’l caminu y chega al llugar, pero maldita estadística enquivocada, mierda d’encuestadores, nada de nada. Tuvo dous meses ensin nin una culebrina. Eso sí, robóron-ye la cartera, afelpóronlu duas veces y púxose de vinu de Montilla hasta las oreyas. Todol día baillando sevillanas. Nun quier volver. Los cronistas aseguran que marchóu pal Rocíu. ¡Ai qué vergüenza de la Virxe del Caminu!
El segundu mozu, el más fatu de San Xil (llicenciáu en Matemáticas y Física, al empar que yera’l que pior manexaba’l trompu) foi a lo primeiro al oeste, hacia El Bierciu. Illí alcontróu un cuélebre esmirriáu baxo una piedra, y pensóu qu’aquello yera’l remediu de tódolos males. Pequeñu, esclicáu, esfamiáu, pero con cara de nun tener catada culebrota y más necesitáu de cariñu que d’alimentu.
La culebrona, farta d’esperar y por nun facer un escarniu, marchóu inda más al oeste, y chegóu a Venezuela, onde decidíu dedicase al negociu de los culebrones. Consiguíu un billete baratu por Internet y cuasi s’accidentan polos torbolines (nun maxináis lo que pesa una bicha). Yá en Venezuela soñaba facese publicidá y alcontrar unu mui machu. Ella simplemente facíalu por afición, quiero dicir a actuar na tele. Al mes, presentóuse al rodaxe del culebrón, un Culebrón venezolanu: —Hola, mi amol, culebla—. Pero nun la convenciéu, aquel acentu nun-ye prestaba nada. Demasiáu melgueiru, ella quería dalgo muito más machote.
Al regresar al pueblu, qué remediu, la culebrona casóu cono cuélebre esmirriáu que-ye traxo’l matemáticu. Yera la única opción que quedaba. A pesar de lo escachumizáu, na nueite de bodas zampóronse todo animal comestible (respetoron a la xente) y bebiron cubas y más cubas d’auguardiente. Darréu llanzóronse a fabricar fiyos. En poucu tiempu, y eso que paecía amurriáu, crioron muitos serpentinos. Sicasí, acabóuse la pasión. La Culebrona yá nun quería fiestas y dinguirindainas, asina que se divorcioron. Raquitín diéuse al beberciu, dexóu de comer, y anda tou desastráu rexentando lupanares.
El tercer mozu, más finu que las trenzas d’espartu, marchóu pal norte, hacia Asturias. Al poucu tiempu unvióu al pueblu un telegrama que dicía: «Alcontráu cuélebre. Pesa muitu. Unviái ayuda». Tódol pueblu reuníuse en conceyu pa dicidir a quién mandaban.
Primeiro atalentoron mandar a un funcionariu, porque pa esas cousas sirven los funcionarios, pero resultóu que nun convenía mandar a una sola persona, de manera que mandoron una comisión, porque pa esas cousas sirven las comisiones. La comisión recibíu al tercer mozu cono cuélebre no puertu Payares, onde se controlaba’l contrabandu que cruzaba los montes. (Esto asocediéu na época del estraperlu). En Busdongo chegoron a la conclusión de qu’aquel cuélebre yera desaxeráu, puede que correctu de cara, anchu de llombos, mui robustu (neso’l meyor); pero que yera mui antipatrióticu. Dedicábase toda la semana a comer fabes y gargarexar con sidra, lo que nun taba mal pa un asturianu, pero nun yera claro que conviniera a una cuélebre llionesa, que tendría culebrines en San Xil de L.luna. Cierto ye qu’a los llioneses-yes prestan las fabes y la sidra, pero la comisión yera mui intolerante al respective d’esti puntu (sic. La política ta fastidiada en Llión). Después d’arduas deliberaciones, l’aniciativa del tercer mozu quedóu trabada no puertu por culpa de la burocracia. Nin siquiera lu escuitoron cuando propuxo que’l cuélebre sostituyera fabes, por chorizu y morciella, y sidra, por prietu picudu.
Finalmente, Pepín, el pastor, decidíu facer la sua búsqueda pol sur. Primeiro chegóu a Cabreira, onde nun alcontróu’l cuélebre curiosu; después, marchóu pa Senabria, onde esperaba alcontralu no llagu. Asegurorón-yelu todos y efectivamente, había un cuélebre a oriellas del llagu, pero marchara d’añu sabáticu a visitar al sou pariente escocés, Nessie.
Pepín recorriéuse Zamora y el Norte de Portugal ensin atopar nada satisfactorio. Aplanáu, nel caminu de vuelta pensóu muitas veces sobre’l tema, y de tantu pensar, al aportar a casa diéu cona solución. Pepín taba dispuestu a enmazcarase y enfrentase solu a la culebrona. —Si nun pudi alcontra-ye nada, meyor que sufra you solu las consecuencias—. La creación del faramacu requiríu mantas de llana, pelleyos d’espelleyadas y una cola inmensa de tubos de cartón recubiertos de faragayos. Tou preparáu chegóu’l día de la verdá. Cascorru enchenoúse de galas, colonias, banderas de Llión, que si bien hubo que mercalas, taban prestosas tremolando. El conceyu enteiru acompañóu a Pepín de caminu a la cueva, arropándolu y demostrando apoyu, respetu y llástima, pero al chegar a la entrada de la cueva fúirunse corriendo, cumo esgapa l’aceite del augua. [Incisu del narrador: menos mal que yeran culebrona y cuélebre finxíu; si chega a ser al revés…]. La culebrona que pa entós yá tenía’l xuiciu nubláu dafeitu y nun estremaba’l blancu del negru, sola y esmarinada, recibíu sosprendida a Pepín-cuélebre, y Pepín esfoutóuse en facer tan bien el sou trabayu, dándolo todo, durante tooooola nueite. Cuando nun sacaba más de si, preparóu un palu (descartóu las bilortas con forma d’uve) y aplicóu la Llei Algoritmu, siempre briosu al tou ritmu. La culebrona quedóu contenta y satisfeita. Casoron, cumo los príncipes al final de tódolos cuentos, y cumo ellos vivioron de las rentas, del estupor del pueblu y del respetu (miedu) que-yes tenían. Al nuesu pastor el poder y la obediencia que-ye tenían compensóulu de las suas nueites llargas y axitadas de brega.
Por respetu al llector diréi que tuvioron dous fiyos y que paso de describilos, porque la comisión ética de los científicos xenéticos puede demandame por apregonalu.
Esto nun hai célula madre que lo esplique… meyor pa outru cuentu.
Sentencia: Meyor pequeña y xuguetona…
—Va años que nun vos molesto y hasta los bréfetes tou de las piedriquinas que me tiran los vuesos guah.es. Nun los comí por nun dame sudores, pero empicastis la mia pacencia. Ensin amor nun sou nada, yá lo dicía Saulo de Tarso, y tengo una rabia comigo, que peque me vou facer un pinchu morunu con vosoutros. Cada día comeréi a cinco y bien mastigaos, pa qu’asina vos dola más y desquite las mias penas conos vuesos gritos… Perdónovos la vida se me cumplís con un mandáu.
El mandáu yera mui, mui, mui difícil. Habían recorrer tódol mundu pa buscar un cuélebre. Unu bien guapetón, baxo condena de destruición apocalíptica del pueblu. Cuatro mozos valientes del pueblu foron unviaos a los cuatro puntos cardinales pa buscar un bon cuélebre cono que calmar las ansias insatifeitas de la culebrona.
El primer mozu foi hacia l’este y acabóu en Sahagún. —Los saguneros siempre foron mui llistos, seguro que saben ónde alcontrar un cuélebre—. Arrespondióron-ye: —Más al leste, rectu más ou menos lo que tarda una carrera de perru, xira, baxa una cuesta y empobínate al sur, cinco días de caminu y chegas—, añedioron —Illí, la ratiu de cuélebre por cada paisanu ye de unu por mil. Pero, al datu, que son bichos raros y mui arraposaos. Onque comentaron qu’agora tan tranquilos pola abondanza de topillos—. Obediente sigue’l caminu y chega al llugar, pero maldita estadística enquivocada, mierda d’encuestadores, nada de nada. Tuvo dous meses ensin nin una culebrina. Eso sí, robóron-ye la cartera, afelpóronlu duas veces y púxose de vinu de Montilla hasta las oreyas. Todol día baillando sevillanas. Nun quier volver. Los cronistas aseguran que marchóu pal Rocíu. ¡Ai qué vergüenza de la Virxe del Caminu!
El segundu mozu, el más fatu de San Xil (llicenciáu en Matemáticas y Física, al empar que yera’l que pior manexaba’l trompu) foi a lo primeiro al oeste, hacia El Bierciu. Illí alcontróu un cuélebre esmirriáu baxo una piedra, y pensóu qu’aquello yera’l remediu de tódolos males. Pequeñu, esclicáu, esfamiáu, pero con cara de nun tener catada culebrota y más necesitáu de cariñu que d’alimentu.
La culebrona, farta d’esperar y por nun facer un escarniu, marchóu inda más al oeste, y chegóu a Venezuela, onde decidíu dedicase al negociu de los culebrones. Consiguíu un billete baratu por Internet y cuasi s’accidentan polos torbolines (nun maxináis lo que pesa una bicha). Yá en Venezuela soñaba facese publicidá y alcontrar unu mui machu. Ella simplemente facíalu por afición, quiero dicir a actuar na tele. Al mes, presentóuse al rodaxe del culebrón, un Culebrón venezolanu: —Hola, mi amol, culebla—. Pero nun la convenciéu, aquel acentu nun-ye prestaba nada. Demasiáu melgueiru, ella quería dalgo muito más machote.
Al regresar al pueblu, qué remediu, la culebrona casóu cono cuélebre esmirriáu que-ye traxo’l matemáticu. Yera la única opción que quedaba. A pesar de lo escachumizáu, na nueite de bodas zampóronse todo animal comestible (respetoron a la xente) y bebiron cubas y más cubas d’auguardiente. Darréu llanzóronse a fabricar fiyos. En poucu tiempu, y eso que paecía amurriáu, crioron muitos serpentinos. Sicasí, acabóuse la pasión. La Culebrona yá nun quería fiestas y dinguirindainas, asina que se divorcioron. Raquitín diéuse al beberciu, dexóu de comer, y anda tou desastráu rexentando lupanares.
El tercer mozu, más finu que las trenzas d’espartu, marchóu pal norte, hacia Asturias. Al poucu tiempu unvióu al pueblu un telegrama que dicía: «Alcontráu cuélebre. Pesa muitu. Unviái ayuda». Tódol pueblu reuníuse en conceyu pa dicidir a quién mandaban.
Primeiro atalentoron mandar a un funcionariu, porque pa esas cousas sirven los funcionarios, pero resultóu que nun convenía mandar a una sola persona, de manera que mandoron una comisión, porque pa esas cousas sirven las comisiones. La comisión recibíu al tercer mozu cono cuélebre no puertu Payares, onde se controlaba’l contrabandu que cruzaba los montes. (Esto asocediéu na época del estraperlu). En Busdongo chegoron a la conclusión de qu’aquel cuélebre yera desaxeráu, puede que correctu de cara, anchu de llombos, mui robustu (neso’l meyor); pero que yera mui antipatrióticu. Dedicábase toda la semana a comer fabes y gargarexar con sidra, lo que nun taba mal pa un asturianu, pero nun yera claro que conviniera a una cuélebre llionesa, que tendría culebrines en San Xil de L.luna. Cierto ye qu’a los llioneses-yes prestan las fabes y la sidra, pero la comisión yera mui intolerante al respective d’esti puntu (sic. La política ta fastidiada en Llión). Después d’arduas deliberaciones, l’aniciativa del tercer mozu quedóu trabada no puertu por culpa de la burocracia. Nin siquiera lu escuitoron cuando propuxo que’l cuélebre sostituyera fabes, por chorizu y morciella, y sidra, por prietu picudu.
Finalmente, Pepín, el pastor, decidíu facer la sua búsqueda pol sur. Primeiro chegóu a Cabreira, onde nun alcontróu’l cuélebre curiosu; después, marchóu pa Senabria, onde esperaba alcontralu no llagu. Asegurorón-yelu todos y efectivamente, había un cuélebre a oriellas del llagu, pero marchara d’añu sabáticu a visitar al sou pariente escocés, Nessie.
Pepín recorriéuse Zamora y el Norte de Portugal ensin atopar nada satisfactorio. Aplanáu, nel caminu de vuelta pensóu muitas veces sobre’l tema, y de tantu pensar, al aportar a casa diéu cona solución. Pepín taba dispuestu a enmazcarase y enfrentase solu a la culebrona. —Si nun pudi alcontra-ye nada, meyor que sufra you solu las consecuencias—. La creación del faramacu requiríu mantas de llana, pelleyos d’espelleyadas y una cola inmensa de tubos de cartón recubiertos de faragayos. Tou preparáu chegóu’l día de la verdá. Cascorru enchenoúse de galas, colonias, banderas de Llión, que si bien hubo que mercalas, taban prestosas tremolando. El conceyu enteiru acompañóu a Pepín de caminu a la cueva, arropándolu y demostrando apoyu, respetu y llástima, pero al chegar a la entrada de la cueva fúirunse corriendo, cumo esgapa l’aceite del augua. [Incisu del narrador: menos mal que yeran culebrona y cuélebre finxíu; si chega a ser al revés…]. La culebrona que pa entós yá tenía’l xuiciu nubláu dafeitu y nun estremaba’l blancu del negru, sola y esmarinada, recibíu sosprendida a Pepín-cuélebre, y Pepín esfoutóuse en facer tan bien el sou trabayu, dándolo todo, durante tooooola nueite. Cuando nun sacaba más de si, preparóu un palu (descartóu las bilortas con forma d’uve) y aplicóu la Llei Algoritmu, siempre briosu al tou ritmu. La culebrona quedóu contenta y satisfeita. Casoron, cumo los príncipes al final de tódolos cuentos, y cumo ellos vivioron de las rentas, del estupor del pueblu y del respetu (miedu) que-yes tenían. Al nuesu pastor el poder y la obediencia que-ye tenían compensóulu de las suas nueites llargas y axitadas de brega.
Por respetu al llector diréi que tuvioron dous fiyos y que paso de describilos, porque la comisión ética de los científicos xenéticos puede demandame por apregonalu.
Esto nun hai célula madre que lo esplique… meyor pa outru cuentu.
Sentencia: Meyor pequeña y xuguetona…
No hay comentarios:
Publicar un comentario