sábado, 30 de diciembre de 2017

La ruta´l Tuertu



Expulsonon a los tous peisanos, pero nou los mieus recuerdos
Bañándome na túa augua de carambelu,
nel tou fondu  diminutu, orgullosu y tiernu.

Y mentres, la veiga y la nueche éichanse na túa cama
d’acuáticu sueñu en minúsculu versu
con sabor a comarca y pueblu.

Y la memoria colectiva
y la galbana del branu
y las dus ruedas que voltian.
y un ñiñu que me mira
y una madre que sospira
y una sola poesía.

Si l’aroma de la tierra y la comarca son la túa augua dulce
nu habrá náufragos tesouros enterraos,
ni barcos piratas que te crucien.

Fiyu del Esla, pariente del Dueru,
afluente del pareisu.

Y la memoria colectiva
y la galbana del branu
y las dus ruedas que voltian.
y un ñiñu que me mira
y una madre que sospira
y una sola poesía.

Fiyu del Esla, pariente del Dueru,
afluente del pareisu.
afluente del pareisu.

No hay comentarios: