martes, 7 de marzo de 2017

Poemas n´asturllionés IV (L’ abismu)

Fálannos de la derrota
y l’argumentu de los silencios
que la emburrian a l’olvidu.

De la ferida evaporada
na fame de respuestas
y nos xestos asumíos
como negación o desdicha.

Quiciabes, el pesimismu
y la sua melodía reaccionaria
sembroron las primaveras
con semiente hipnótica.
Esto ye, de too aquello
que nin siquiera
pretendemos entender.

Considerámonos fiyos ilexítimos
del fracasu y la tristura.
Con sonrisas inconscientes
humildamos el paternalismu
de la mansedá perpetua.