martes, 31 de marzo de 2015

Alboradas en los zurrones del pastor - Maestras




Aquellas maestras
d’escuela de puebru
deprendíannos a borrar límites
y a lluchar polo que
nos atrevíamos a soñar.

Las instructoras constantes
na suma de palabras,
anque las usáramos
al escuchu,
cuando sabíamos
qu’estaban prohibidas.

Aquellas maestras
d’escuela de puebru,
las suas ganas de primavera
y el nuesu deséu de conecer
lo que nun se puede deprender
nas páxinas d’un llibru.

Las qu’arramaban sabedoría
derriba los nuesos pupitres,
anque acabara acogolmada
la papelera del despreciu.
Demasiadas veces
cuesta ver cúmo se llabróu
el pegollu que nos sostién.

Aquellas maestras
d’escuela de puebru,
las nuesas trastadas
y la connivencia
de las suas sorrisas.
Non tódalas teorías
son aplicables.

Ellas, regalu del pasáu,
privilexu del futuru.
Agradecimientu eternu
no rastru de la memoria.

1 comentario:

Mara dijo...


Como "Maestra de pueblo" que fui, me ha emocionado el poema leído y escuchado. Saludos.