lunes, 6 de marzo de 2017

Poemas n'asturllionés II (La mentira)

Educóronnos na mentira
y solo asina,
con orquestas de caridá
y pregones de pánicu
transiximos cona desidia.

Encontrámonos cómodos
no  bálsamu de la derrota
obviando la grandeza exercida
pola épica de lo cotidiano.

Pero cuando la espada y la parede
obrígannos a imaxinar una salida
escribimos el nuesu cuentu
nos márxenes que desequilibran
la balanza de la dignidá.

La tinta que se vos arrama
desnuda las vuesas vergüenzas
y alimenta las nuesas ganas.

Siguimos, 
siguimos grandeciéndonos
con cada careta cayída pol odiu,
alimentando los vuesos claustros de mieu,
adoquinando cada minúsculu pasu
que vos emburrie a l’abismu
y nos acerque a la vida.


No hay comentarios: